ФУДБАЛОТ ВО МАКЕДОНСКИ БРОД НИЗ ВРЕМЕТО

ФУДБАЛОТ ВО МАКЕДОНСКИ БРОД НИЗ ВРЕМЕТО

Ќе ја поделиме рубриката во три дела кои ќе бидат посветени на  ФК,, Пролетер,,  за периодот од 1937 до 1970, периодот од 1970-денес, и еден дел ќе биде посветен на сите фудбалски клубови од Поречието кои биле представниви во Општинската лига во Македонски Брод.

Фудбалот, најважната неважна работа на светот, во Македонски Брод според податоците со кои располагаме е започнат со формирањето на првиот фудбалски клуб  ФК Хајдук во 1937 год.

За време на бугарската окупација ( 1941 – 1945)  се забранува секаква активност на клубот , а клубот го променува името во ФК Гоце Делчев( извор на информацијакнига: ,,Југословенски фудбалски клубови ,, издадена во Белград 1977 година од афтори Братислав Стојановиќ и Драгиша Ковачевиќ)

Оваа фотографија , за која се смета за најстар фото запис на треиторија на Македонски Брод поврзан со фудбалот, е снимена во септември 1938 годинана игралиштето  ,,Солишта,, во Македонски Брод ( тогаш викан Јужен Брод) и е одиграна помеѓу ФК Хајдук од Македонски Брод и ФК Ижишта. Резултатот бил 2:0 за ФК Хајдук.

На сликата од лево на десно:ЦУЈО санитерен инспектор, Митрески Иван- Хитрец голман, Јовески Митре- Поштар десно крило, Блажески Јортдан работник лево крило, Терзиоски Санде –Влавот работник бек,  Аркадија хрват тутунски контролор центарфор,  Блажески Трајан Мечкарот  бек, Милан србин центархалф геодетски инжињер,Стево Прилепчанец помошник директор во пореска управа полутка,  Ристески Вукачин полутка , Душан Терзиоски Караџа лев халф, Ратко Новески Зајак десен халф, непознат, Милан Ракиќ директор на пореска управа и прертседател на клубот.

Сликата е снимил  Душан Стојкоски – трговец

 

После втората светска војна клубот го добива името ФК Пролетер . Во формирањето на првата генерација во периодот на педесетите години активни играчи биле : Стојкоски Стојко –Докиќ и неговиот браќа Ристе Стојкоски и Миле Стојкоски од с.Требинино, Блаже Блажески- Црниот, Ратко Димоски, Ратко Новески, кои им овозможиле на идните генерации да ја продолжат традицијата на играње фудбал во Македонски Брод но и да го изградат ФК Пролетер во најпрепознатлив фудбалски и спортки клуб кој потекнува од Македонски Брод.

На сликата е ФК Пролетер генерација 1955/1956

Од лево на десно: Стојкоски Стојко Докиќ Требино , Стојкоски Ристе, Лазески Радивој, Ристески Вукашин, Новески Ратко, Крстески Трајан, Блажески Јордан, Дојчиноски Ефто,  Савоски Митко , Стојкоски Стојко Русјаци.

ФК Пролетер 1957/1958( втора генерација)

Една година откако е формиран ФК Пролетер кон него се приклучуваат поголем број на помлади играчи кои ги заменуваат повозрасните членови на клубот па така во оваа помладена генерација местото го наоѓаат:

Стојат од лево на десно: Член на управа (непознат)  Светозар Ликески Лике голман,  Миле Јованоски,  Миле Стојкоски Ѕверот, Душан Милованоски Малинко, Милче Трајаноски, Ратко од с.Слатина,  Блаже Блажески Црниот,  Мирко Јаќимоски,  Миле Новески Почтарот,  Живко Толески, непознат, Стојко Стојкоски Докиќ (претседател) клечат членови на управа :  Ристе Стојкоски,  Ратко Новески и Крсте Крстески.

ФК Пролетер 1958

Стојат од лево на десдно:Блаже Блажески, Мико Периќ,Лике, непознат, Миле Стојкоски Ѕверот, Вело Симјаноски , Митко Толески Шамале, непознат,непознат Гано Јованоски.

 

ФК Пролетер 1959/ 1960

Стојат од лево на десно: член на управа (непознат) , Крсте Крстески, Ристе Стојкоски, Боро Котески Сланско, Буде Томчески, Аце Терзиоски, Ѓоко Терзиоски, Боге Милованоски, Бране Митрески,ЈорданТерзиоски,клечат:непознат,БороС илјаноски Ширго, Миле Јованоски, непознат,ЈовоБлажескии,ПројкоМилованоски (легнат) .

 

ФК ПРОЛЕТЕР 1959 година

Стојат од лево на десно :  Јованоски Миле , Силјаноски Боро Ширго, Милованоски Душан,  малинки,  Томески Буде,  Милованоски Пројко,  непознат, мико КОкран, непознат, Блажески Јово, Тасе Стојаноски пекар, Симјаноски Вело.  Клечат од лево на десно : непознат, Чедомир Четко,  непознат  Дабески Стојмит, Димоски Ратко

 

ФК ПРОЛЕТЕР 1959 ГОДИНА ДЕЛ ОД ПРВ ТИМ

 

Стојат  Миле Јованоски , Васко од Крушево, Душан Милованоски  Малинко Клечат: Мирко Толески Шамале, и Јово Блажески.

 

ФК Пролетер 1960/1961

Стојат од лево на десно: Драгиша Терзиоски – Американо, Боро Силјаноски  ,Предраг Јованоски – Гано, Миле Блажески, Боге  Милованоски , Перо Терзиоски ,Војо Терзиоски,Душан Дабески,Бране Нешкоски, Бране Блажески, Ѓоко Терзиоски.

 

Фк Пролетер 1962

Носители на оваа генерација се  Душан Милованоски (капитен0 Предраг Јованоски Гано, Душан дабески, Мирко Толески, Јово Блажески, Вело Симјаноски, Миле Јованоски, Пројко Милованоски,  Славе и Симе Оџата од Ропотово.

 

Фк Пролетер 1969/ 1970

Од  лево на десно: Мирко Толески- Шамале , Славе Змејкоски, Боро Силјаноски, Бране Блажески, Душан Блажески,Милош Ристески, Иле Новески,  Аце Симјаноски, Аце Богатиноски, непознат, Ѓоко Милованоски.

 

ФК Пролетер седумдесетите години од минатиот век

За втората генерација на фудбалеи кои се натпреварувале во Западниот регион на тогашната СР Македонија за периодот од крајот на педесетите и почетокот на шеесетите години  најистакнати поединци биле  Мирко Толески, Јованоски Милорад, Јованоски Предраг 9голман0  Милованоски Дучко, Милованоски Пројко, Славе и Симо Оџата од Ропотово,  Трајаноски Миле с Сланско, Блажески Бране, дабески Душан( кој подоцна станува тренер на третата генерација на фудбалери на ФК Пролетер) Тасе Стојаноски, од село Латово, Вело Симјаноски, од с Девич, Блажески Јово од Дворци, Терзиоски Ѓоко, Томески Буде, Терзиоски Александар, Силјаноски Боривој-Боре, Силјаноски Добре –Ширго, Блажески Душан, Милованоски Бране Татар,  и други.

Во периодот  1972 до 1973 година се создава трертата генерација на фудбалери на ФК Пролетер кои се натпреваруваат во Општинската лига Прилеп, го освојуваат првото место и во квалификации се пласираат во Западниот (Пелагониски ) регион , каде што рамноправно ќе се натпреваруваат со  Борец од Титов Велес, Транскоп –Битола, 11 Октомври Прилеп, Напредок Кичево, Питу Гули Ктушево, Влазними и Караорман од Струга, Застава Охрид.

За оваа генерација и за нејзините фудбалери во следното продолжение на рубриката.

 

Голема благодарност до г-дин Филип Стојкоски за обезбедените фотографии и имиња на фудбалери на ФК,, Пролетер,, кои го одбележале периодот од 1937 до 1973 година.

*За превземање на оваа содржина да се наведе линк од изворот.